Skip to content
21 نوفمبر 2012 / ~ الملاك ~

كَالعادَه , علومِي ..


السلام عليكم ورحمة الله وبركـآته ,

طيّب وإحساسي كبير , عَـآيش زمَن عبد الحليم ..

أثر القلوب تغيّرَت , وَ النَـآس تضرب فَ الصميم …

/

كيفَ حـآلكُم أحبتي ,

بدون مقدمات وبدون اعتذارات وبدون شي ..

وكـآالعاده تدوينتي مدري ايش اقول فيهَآ

/

بّ البدايه : اللهُمّ رب النَـآس اذهب البآس و اشفِ ابوي أنتَ

الشافي , لا شفاء إلا شفاؤك , شفاءًا لايغادر سقمًا ..

أبوي مريض بسرطان البروستاتَا , وأبيكم كلكم تدعون له الله يقومه بالسلامَه …

بداية قصّته أنـا كنت فيها , وأنا اللي ابتديتهآ .. وأحمد الله إني كنت سبب في إكتشاف هَـ "الورم" قبل يتفاقم الوضع ..

كنت مسويه فطور .. فول .. والفول فيه فلفل .. ابوي أكل منه وكثّر

بما أنه يحب الفلفل اصلاً ويحب الفول بعد 200

المهم بعدهَا تعب وجاه اسهال واشياء مؤلمه راجع المستشفيات

وأخذ علاجات عاديه .. بس مافادت .. وفحَص ف المستشفى العسكري ب الرياض .. وإكتشفوا أن معه ورم ..

ونقلوا ملفه للتخصصي …

وجلس تقريبا 4 شهور يعالج .. وفي يوم 20/10/1433هـ

دخل المستشفى وسووا له عمليى إستئصال ..

والحمدلله نجحت …

بس جلس ف العنايه شهر ونص .. فهالشهر ونص كل شوي طالع شي..

ي حراره .. ي ان الاملاح محتبسه بجسمه.. ي ان السوائل ماليه رئتيه .. واشياء كثيره والحمدلله ع كل حال …

وقبل عيد الأضحى بيومين نزلوه من العنايه للتنويم العادي ..

قبلهـآ جلس ف العنايه شهر كامل مخدّر منوّم .. الله لايعيدها من أيام ويارب ماتواجهونهآ ..

اصعب شي مر علي .. لما يقول الدكتور كلميه يسمعك ..

أجي ب أكلمه .. بس ما أقدر .. أحسه نايم ومايصلح ازعجه ..

والضعف اللي كان فيه .. ياربي ابوي كان قوي .. بصحته رايح جاي ..

ويسسوي كل شي طبيعي , وبساعات انقلب حاله حزن 

وبعد مافتّح .. م انسى ذيك اللحظه كم كانت سعيده جدا جدا

شفتوا اللحظه اللي تبون تتكلمون تنطقون ماتقدرون .. فجأه الدموع هي اللي تتكلم .. وإذا بتنطقون ف بتقولون الحمدلله

اذكر كنت واقفه ف اخر الغرفه وكنّا بنسلم عليه ونطلع للبيت ..

وأمي كانت تقرى عليه الرقيه .. وخلصت .. شوي الا تمسح ع راسه الا يفتح ويناظرها ويناظرنا .. قلت : ابوي انت تشوف ؟؟

وم أستحملت وبكيت اصلا ههههههههههههههه وحمدت الله ,

وطلعنا وجيناه اليوم الثاني وكنا بنسلم عليه ونمشي لديرتنا

.. أذكر أني كنت اقوله بابا أحبك .. ويهز راسه موافق كالعاده وبعيونه نفس النظره اللي اعرفها heartpump

واللحظه اللي اجمل منها بعدما نزل من العنايه .. طبعا ضل شهر ونص مايتكلم .. لأنهم ركبوا بحلقه جهاز تنفس وجهاز شفط سوائل ..

كان يوم رابع العيد .. وصلنا الخبر الظهر انه تكلّم .. العصر او المغرب كنّا عنده … طبعا الفتره اللي راحت كنا نتعامل معه اشاره او نقرا شفايفه .. وتحسنت حالته شوي وصار يكتب ب ورقه ونعرف وش يبي ..

المهم .. كنا عنده وكنت جالسه بكرسي مقابل السرير ..

ولما دخلنا سلمنا عليه وهو ساكت …

وكان تو صاحي من النوم .. وكنت جالسه اسفط طرحتي ونقابي ..

الا الصوت اللي يجيني : كيف الحال ي ملوكك ..؟

لا إراديا رميت اللي بيدي وصرخت ورحت له بست راسه ويده ومسكت يده وجلست ابكي عليها وابوسها >>دراميه البنت 009878

…..وبعدها صرنا نسولف واياه .. وبعدين لما سافرنا نتصل على اخواني ويحطون سبيكر ويكلمنا

بس الحين الحمدلله صار احسن وصار يقدر يحرك اطرافه يده واذرعه

وصار يستخدم جواله ويكلمنا ونكلمه عايدي 27

وقريب بإذن الله بيطلع من التنويم ويدخل سكن المستشفى عشان يكمل العلاج الكيميائي …

وباقي ممشوار طوووووووووويل .. الله يقويه ويكفر ذنوبه ويقومه لنا بالسلامه …

/

 

طبعًا يوم مرض ابوي .. عرفت أن مافيه بالعالم رجال أحبه كثره , ولا فيه بالعالم رجال بيحبني كثرَه , ولافيه شخص اثق  فيه كثره واعتمد عليه .. سبحان الله كيف كان معيّشني ملكه مايرد لي طلب , ويداري خاطري , ويرحمني ويعطف علي , واهم شي كان يحس فيني لما أكون ابي شي او محتاجه شي أو متضايقه ويهوّنها علي بطريقته …

والله حتى أخواني الخمسه مايجيبون ربع اللي يسويه ..

ابوي ماعمره فقع قلبي .. ماعمره ضايقني لدرجة أني اتحسس منه ..

أما اخواني .. قبل يسوي ابوي عمليته .. بالضبط شهر 8 …

تهاوشت مع 3 منهم .. ماعد طقتهم بالأرض كرهتهم وكرهت كل شي يتعلق فيهم .. مكان هم فيه ما ابيه .. حقدت عليهم وانا اللي بحياتي ما حقدت على أحد ..

حقدت على اخواني .. وجلست زعلانه منهم إلى يم 27/9/1433هـ

كنت لازلت أكرههم ولازال قلبي مدري كيف اوصف بس لازال في قلبي شي اقوى مني شي يخنقني ويذبحني .. سيء شعور انك تحقد ..

ارحم الحاقدين .. والله مايرتاحون ابد مايرتاحون ..

من كثر حقدي وربي ليل نهار هم ف بالي وافكررر وافككر ونوم ززفت

ومزاج زفت .. م الومهم لا بان ع وجههم الحقد ..

في لحظة تقرّب لله … قلت يارب إني عفوَت عنهم .. وسامحتهم فَ أبدل كرهي لهم حب وأهدهم ..

وبعدها هدَت نفسي …

لكن مَ أمدى هدت .. ودخل ابوي المستشفى وبعد دخوله ب اسبوعين .. تهاوشت مع اخوي ابو 26 سنه …

اللي اصلا ماكنت اعده اخ ..

كنت أعدّه أخ وصديق و حبيب .. أنجرحححت ..

والمشكله لما تزعل من شخص قريب منك وهو مسوي نفسه ما كأنه صاير شي .. ع الأقل بيّن أنك متضايق واسأل وش فيه و وش زعّلك

أو اغصب نفسك وحسّ ب الذنب وابتعد عني .. ياخي كارهتك ومقابلني …!!!

لا والله اللي زاد ضيقي ضيق وهمي هم ….!

بس ابشركم … بعدها بفتره جلسنا سوا وتكلمنا … وتصافينا ورد كل شي مكانه ورجعت اضيفه ع البيبي هع 90

وَ سبحانك اللهُم وبحمدك , أشهدُ أن لا إله إلا أنت , استغفرك وأتوب إليكك …

 

وبإذن الله ب أكون معكم اسبوعيا او اذا حسيت التدوينه خذت حقها من المشاهدات ..

ولاتنسون التقييم إذا عجزانين من التعليق ,

وشُكرًا

Advertisements

2 تعليقان

اكتب تعليقُا
  1. DIDI / ديسمبر 19 2012 11:10 م

    بسم الله والسلام عليكم ,لقد لقيت قصتك كل عطفي وأسأل الله الشفاء العاجل لوالدك ,من الصعب أن يصيب من نحب مكروه ومن الصعب جدا أن يكون هذا الشخص أحد الوالدين فهما أعز ما نملك لكنها الدنيا تفرحنا اليوم وتبكينا غدا لكن علينا أن نؤمن بقضاء الله وقدره . وهكذا حال كل شخص تمر عليه مراحل عصيبة فعليه أن يتجاوزها بالصبر والدعاء والتوكل على الله وأرجوا من الله أن يؤلف قلوبكم أنت واخوتك…….ااااامين يارب العالمين
    اخوكم في الله DIDI

    • ~ الملاك ~ / يناير 13 2013 3:13 ص

      وعليكم السلام ورحمة الله وبركاته …

      آممين يارب .. الحمدلله ع كل حـآل ..

      شُكرًا لإطلالتك 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: