Skip to content
30 ديسمبر 2010 / ~ الملاك ~

3×1 سالفه+قصيده+خبر محاولة إنتحار طالبه 1ثانوي


<<مدري وش أحس فيه وأنا أكتب بـذا الخط ……!

لا إله إلا الله يارب صبرّني ..

كيف حالكم وأحوآلكم ..؟

هذي التدوينه كان مفروض أنزلها من أسبوع .. لكن وقفت الضروف النفسيه والجويه والوقتيّه ك عـآئق

|[ لو مـآتبيني كآن ماتسأل ورآي وش صـآر فيّه ..؟

………………..لو ماتبيني ..؟ ليه تحرق روحك وقلبك عليّه ؟؟]|

………….. احم أحم .. الخميس الماضي بتاريخ 23من الشهر1سنة 1432هـ

كنت منسدحه أمام شاشة التيفي .. فإذا بإتصال يباغتني على جوالي من بنت خالي اللي مبطيه عنها  ..

منشان هيك أخذت برهه أتمقل بشاشة الجوال ..

بعدين رديت 🙂

….. عاد السالفه ومافيها انها دقت ع هاتف منزلنا بس طلعت داقه ع رقم غلط وقالّها ملاك بالمزرعه ..

البلا أن مزرعتننا بايعينها من عام صفر

عاد شسمه عطيتها الرقم الصحيح وسكرنا ودقت ع البيت تبيني بموضوع ..

عاد أنها عازمه صديقاتها من السكول وتبيني معها 🙂 عشان شسمه أعاونها

عاد قلت لها بكلم بابا أقولّه أول .. بعدين برد لك خبر

قالت متى تكلمينه يعني ..؟

قلت العصر “كانت داقه الظهر”

وفعلـًا صلينا العصر ودقيت ع بـآبـآ بس بابا سحب علي وآجد وما رد علي

ف تركته ورحت أشوف ش أقول بشكلي ووش ألبس ووش أسوي بشعري وخشتي ..

وأثناء ذلك أذن المغرب ودقيت ع بابا ورد هالمره .. وقلت له ..

قال وليش هي ماتجيك..؟

قلت هي عندها عزيمه بنات وشوي وحركات

قال ومن بيوديك ..؟

قلت : ممدري يمكن حسوون

قال خلاص أجل متى بتروحين ..؟

قلت لاجهزت ..

قال زين لآتطولين 🙂

وفعلـًا بديت تجهيز ولبس وخنبقة البنات اللي ماتخلص ..

عاد ع أذان العشاء كان بابا راجع البيت ولسا أنا مارحت وما بعد أجهز

تو ملابسي مكويّه ومابعد ألبس وتو مخلصه شعري

قلت يبه صبر بروح معك 🙂

قال أبوي خاف إنك ريّضه ..

قلت لآ خالصه خالصه

ف بسرعه بسرعه لبست و طلعت ماحطيت ميكب ما أمداني

قلت عادي بكمل عندها

ورحت . وكان مابعد يجون صديقاتها ..

وكملت حوستي هناك ..

وجات أمها وعلمتني وش أسوي ووش أحوس ..

لان أهلها كلهم بيطلعوون ..وبنبقى بس أنا وهي وصديقاتها

أحم أحم … وانا كنت موجوده قبل يطلعون أهلها .. ماعندها أحد أتغطى منه ماغير اخوها أكبر مني ب سنه تقريبًا .. 🙂

ولآيوجد أي إحتكاك أو غيره ..

لكن لنا من النكبه نصيب ..

ع العموم شوي شوي بدوا صديقاتها يجون

ورحنا طلعنا ببيت الشعر 🙂 <<اتوقع أسمه كذا

وقربنا القهوه والشاي والمكسرآت 🙂

<<<هذي بعد ماخلصنـآ وخلاص جالسين نشيلها ..

هـذي الحديقـه حقتهم جوّهـآ خرآآآفي برغم أنها صغيره بس حلوووهـ 🙂

الحديقه من جهه أخرى :

الجووو جدًا كــآن بـآآآآآآآآرد 🙂

بس شووفوا نفالتي مع الدجاجه عذّبتها وحررقت وآلدى وآلديهـآ

وصوره للجمر اللي تفحم لين صار فحم أو الفحم اللي تجمّر لين صار جمر .. هي كلّه بيصير رمـآد .. بلآعصصصد

وووش بعد .. إيــه الختـآم .. وهـو السفره بعد التجهيز ..

خخخخخخخخخخ

ماحد سعابيله طاحت ولآ شي

آآآممممم رجعت منها ع الساعه 11ونص بعد طق و طقيق .. يالله رضى أبوي بغى يسحبني مع قشتي ماتعشييت

أحم أحم … وبالمناسبه .. ياكثر قصايدي اللي كتبتها بس مابعد نزّلت إلا ثنتين الظاهر

هذي وحده …………

ياناشدن عني أنا بنت الأجواد ..
بنت نآس دروبها دآيم سويه 

معروفتن من مولدي لين الأجداد ..
ولآجيب لي طآري ماينقال من ذيه

أبوي  شيخن على روس الأشهاد ..
مكرم الأجنبي قبل لا يكرم خويه

رجلن شديدن قايدن ما يقاد ..
قرمن حكيم ومشورته عبقريه

وأمي  نايفه عن الدروب الحياد..
شريفتن عفيفه و على النسا معتليه

متميزه بين الجميع وقاهره كل نقاد ..
ومآتنزل للكلام وللفعول الرديه

وياناشدن عني أنا بنت الأجواد ..
ربوة اثنين عساهم بالجنه عند ربي و نبيه ..

وسـلآمتكم الله يسلّمكم

أحم أحم .. مدري إنتشر الخبر وإلا لا ..

بس يوم الثلاثاء 29\1

وحده من بنات أولى ثانوي بمدرستنا حاولت تنتحر ..

السالفه كامله هنا .. ومستحيل تلقونها بهالشموليه بمكان آخر ..

هذا هو الخبر بالنت ..

http://www.arkan-news.com/news.php?action=show&id=4364

ف اللي صار أن يوم الثلاثاء كان فيه تفتيش ..

فتشوا ع البنات من أولى متوسط لثاني ثانوي

ف أثناء التفتيش لقوا مع هالبنت جوال كميرا ..

ف صادروه ومسكوهـآ وحبسوها بالإداره وأتصلوا بامها ..

جات أمها وغسلوا شراع البنت .. ف شكل البنت صرفتهم وقالت بروح اجيب عبايتي ..

بس طلعت السطح ..

المديره وأم البنت جلسوا ينتظرون البنت ترجع ومارجعت

قاموا يدورونها هم وباقي المدرسات وباقي الطلبات كان الدوام مخلّص ومابقى غير كم بنت وكم مدرسه ينتظرون سياراتهم

عاد أنتبهوا انها في السطح ..

وكانت راكبه ع الجدار وجالسه وحط الجدار بين رجولها ..

طلعوا لها المدرسات والمديره وأم البنت والمستخدمه ..وكم طالبه

جلسوا يكلمونها ويتطلبونها أنزلي أنزلي تكفين لاتنتحرين ترى بتدخلين النار

وأمها ماعد قدرت تكمل الدرج لما سمعت أن بنتها تحاول تنتحر ..

يالله يالله وصلت ..

جلسوا يكلمون البنت أنزلي أنزلي ويتطلبونها ..

ولآنزلت ..

ف سبحان الله البنت فغّرت (شردت بذهنها )

ف قامت وحده من الإدارايات وتلتها (سحبتها ) وطرحتها ع الـأرض

ونزلوها للدور التحتي لغرفة الإداره ..

ويبون البنت تطلع مارضت تطلع .. مارضت تروح بيتهم

ف دخل أبوها وشلها وطلعها بمساعدة أم البنت والمستخدمه .. حتى نقابها طاح وسيقانها طالعه .. الله يستر عليها .

وكان فيه رجال برى ف قاموا يتصددون ويغمون وجيههم من المنظر ..

طبعًا اللي صار داخل جمعته من البنات اللي شافوا المشهد ..

واللي برى كان كان فيه وحده من البنات بيتهم جنب المدرسه وشافت كل شي  وأخذت منها العلم …

أمّا سبب محاولة غالإنتحار فهذا اللي لازلت أجهله ..

أتوقع أن البنت كان عندها مشاكل نفسيه كثيره .. وكبت شديد ..وضعف إيمان

اللي لاحظته ع البنت أنها كانت وحيده طول السنين اللي كنت فيها بالمدرسه ..

اللهم هالسنه صادقت ثنتين ..

طبعًا الحدث كان مؤسف لكن أستغفر الله التنكيت موجود ك محاوله للتخفيف من حدة الإمر ..

كان بقول لكم سالفه صارت لي مع ذا البنت بس هوونت ..

… ع العموم الله يحفظها ويحفظ بنات المسلمين وشباب المسلمين من كل شر ..

السالفه في ناس زودوا عليها وقالوا أنه جات الشرطه والإسعاف وهذا كذب ..

وناس ألفوا في أسم البنت ..

… السالفه انتشرت على نطاق واسع لدرجة ان صديقات أختي من الرياض يسألونها بما ان البنت معي في مدرستي .. ومعطينها أسم ..

حتى مو اسمها ..

أنا عارفه أسمها .. بس ماراح أقوله .. وش لنا بأعراض الناس ..

الله يستر عليها …

نهائيا ماتوقعت أنها تكون البنت اللي صاير لها السالفه

البنت مؤدبـه حيييييييييل وخلوووقه ..

بس يمكن صديقات السوء .. الله يكفينا شرّهم

أذكر أخوهـآ مزيوووون وسيارته أكورد .. وماكنت اعرف أنه أخوها بس شفتها تنزل وحفظت شكل جزمتها ولما دخلت وشفتها أنصدمت صرآحه 🙂

والحمدلله ع كل حـآل ..

 

 

 

|[ مو نصحتك .. لآتعـآند..! لا ولـآ كأنـك سمعت ..!!

………… صديت ورحت .. عنّي ابتعدت .. هذا أنت ف الـآخـر رجعت ]|

 


Advertisements

8 تعليقات

اكتب تعليقُا
  1. AL-GHAMDI A&B / ديسمبر 31 2010 4:08 م

    ههههههههههههههههههههههههههههههههههههههههههههههههههههههههههههههههههههههههههههههههههههههههههههه هذا كسل ولا أيش ليش خاطه كل شيء في موضوع واحد … يصراحة السالفه ماعليّ منها .. لكن الابيات والله حلوه ما شاء الله تبارك الله .. أجل شاعره المدموزيل ههههههههههههه

    شكلي بأسوي محاورة بيني وبينك 🙂

    وسالفة الانتحار حتى عندنا وصلت ..( تخيلي ) مريت من جنب مدرسة البنات اللي جنب بيتنا <<<<<<< ماكنت واقف اقز 🙂 المهم واشوف رجال الشرطة موجودين واسأل واحد وش السالفه قال لي معلمة بغت تنتحر .. لكني الحين تأكدت أنها طالبه مو معلمه 🙂 !!!!!!!!!!!!!! خخخخخخخخخخخخخخخ

    كوني بخير

    • ~ الملاك ~ / يناير 1 2011 2:26 م

      ههههههههههههه …
      لحووول .. وش جابنا لتركيـآآ ..!
      لآلآ عندكم أكيد مدرسه .. 🙂
      هههههههههههههههههه ………

      نـآيس كومنت عبدالعزيز .. بس شسمه هذا ليش ماتقرى السوالف …؟
      مو أنت سولفجي …؟! السولفجي بيحب يقرا سوالف خلق الله =)
      بس ماعلينا … أهم شي طلتك 🙂 حيـآك الله خيو ..

      أحم أحم .. محـآورهـ ..؟!
      مدري مدري .. هذي يبيلها تمهل وتفكير عمييق 🙂 خخخخخخخخخخ

      ثـآنكس ع الكوومنت بـآشـآ 🙂

  2. رغــــــــــد~.~ / يناير 2 2011 5:16 م

    يااحبيلك تحبين الاختصااراات..
    3 في 1..
    الحفلة اعجبتن بس مو كاانت مظلمة طبعن اكيد لأني مااجيت..>>بأصفق..

    • ~ الملاك ~ / يناير 2 2011 8:11 م

      مــو أكـيـد إلـأ أكـيـديــن =)

      نـوآرة الحفله أنتي 🙂

      أسعدني توآجدك [ رغــوده ]

  3. زٍحَ’ـمةَ حَ’ـڪيّ..||≈ / يناير 3 2011 10:18 ص

    وه بس لبى الشاعرات المفروض لك البيرق مالهم حق
    والله انك كفوو لبى خشتك بس
    وماشاء الله شكل الشوي حكرات
    بس وشسمه قصه الانتحار قد ارعبتني والله يسترعلينا وعلى بنات المسلمين
    المضحك بالموضوع انك حفظتي الشوز بتاعها هههههههه وشذي ماتغيره هع
    ولاعاد تقزين اخوان خلق الله ههههههه
    ربي يسعدك ياقلبي ماننحرم منك

    • ~ الملاك ~ / يناير 3 2011 12:21 م

      هههههههههههههههه
      لبى قلبك انتي..
      أنا أدري عنهم قايله لهم حتى بدون تصويت البيرق لي ..
      بس مايسمعون وأنا وش بيدي <<كبر راسهـآ خخخخخخخخ 🙂

      آمين الله يستر على بنات المسلمين ..

      شوف قـز ما أقـز , أهـو جاء بوجهي أنا ش أسوي ..
      أغمض ..؟! <<تخيلوا ماشيه بالشارع مغمضه ههههههههه ض1

      ووشسمه .. أنا شفت شوزها وهي نازله من السياره وأول مادخلت وجيت أفصخ عبايتي جلست أطلطل ع رجول خلق الله هههههههه وحصلت الشوز المنشود 🙂
      مدري عاد إذا هي غيرته أو لا ض! هههههه
      هههههههههههههههه

      نورتي الموضوع ي بعدي ..
      الله يحفظك ويهنّيك 🙂

  4. حنونة / يناير 11 2011 10:16 م

    استغفر الله

    ليه تسوي كذا عاد حتى لو في مشاكل الموضوع مايستاهل ! فيه جنه و نار يعني

    ان شالله مشكلتها انحلت وتحسنت حالتها

    • ~ الملاك ~ / يناير 13 2011 11:37 ص

      …….. دنيا الله يستر علينا من بلاويها ..

      يقولون البنت ملّكها ابوها على شايب يوم الخميس
      وشفتها أنا داومت يوم الأربعاء ..

      الله يحفظها ويصبرها على كل مابيجيها

      أسعدني تواجدك 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: