Skip to content
8 أغسطس 2010 / ~ الملاك ~

‏”ملاك العالم”أيه هين!! :)


جحـه للتحليه خخخ

طبخي الخنفشـآآآري
‏<‏<يلله حطيت لكم جحه ك تحليه
خخخ

الطبخه الخنفشاريه

((صدق من قال إن للطبخ فنون))
وأنا داريه وواثقه ومتأكده أني بجنبها خخخ

أما الدليل فهو جايكم في الطريق..

اليوم الساعه 10وكم دقيقه ض<يعني ضحى

كنت حاطه إن ماخاب ظني على أبو ظبي أو وحده من خواتها ..
السبب //
كنت أفرفر ولفت إنتباهي طريقة طبخ شهيه جدن
وأهم شي إنها ملونه 🙂
طلعت منال العالم تطبخ
ف جلست أنا وأمي وأخوي إللي يكبرني ب4سنوآت أن ماخاب ظني وترآه مطوع وفيه لحيه<<أهم شي:) خخخ
جلسنا نطالع الحلقه إلى النهايه
لين جات 11:15ض تقريبا..
فقلت
إمممم وش رآيكم أسوي الغدا اليوم!؟
فإذا بخششهم تتسع إبتساما 🙂 <مثل هالفيس بالضبط
مؤيدين طبعا
فصوت مناديه للحادمات
قايله لهن:أخمرن رز وطلعن دجاجه 🙂
قال أخوي سويه بلحم
قلت :ياحليلك بس مشتهيته على دجاجه
فإذا بوحده من الخدامات "عندنا ثنتين وحده حقتنا و وحده حقت خالتي"
تقول فيه لحم بس
والتفت أناظره رافعه حاجب :
حظك والله 🙂

وهذا أول شي تغير فالمقادير
إللي هي كانت كالتالي:
_بصل
_زيت
_قرفه وهيل وعويدي
_رز
_دجاج
_فلفل بارد أصفر وأحمر وأخضر
_بهارات مشكله وملح
_فحم
_ماجي أبيض أو أجينا موتو

*طبعا أنا توهقت مالقيت دجاج
فأستبدلته بلحم
مالقيت غير الفلفل الأخضر
فأستخدمته
ومالقيت أجينا أو ماجي أبيض
فأستبدلته بقليل من الثوم المطحون

أما اللحم
فطلعت قدر الضغط
وقطعت بصل صغنن
وحمسته مع زيت ثم حطيت عليه بهارات مشكله ومعجون طماط
وخليته شويات مع اللحم ثم صبيت مآي
وسكرته زين وتركته ينجح
وبعد ربع ساعه فتحت القدر وكبيت ملح
وسكرته وخليته يطبخ
بعد ما أتمت اللحمه ثلث ساعه
طلعتها أشوف نجحت صارت لينه؟
فحسيت أنه بعد يبي لها طبخ
وتركتها تطبخ ١٠دقايل ثم شوي أزيد وقت وأخليها
وأروح للرز الأبيض

حطيته في قدر صبيت عليه مويه حاره وزيت وملح
وخليته يطبخ
وأجلس أدور الماجي الأبيض
أو أجينا موتو ف مالقيت
وأجلس أفتتح فالدروج أدور شي يصلح نكهه ولونه أبيض
ف طحت ع الثوم
قمت وحطيته عشان يعطي نكهه ومايصير زي رز المستشفى
آخر شي
خذيت تآوه
حمست فيها البصل وحطيت عليه بهارات
ثم أضفت شوية مويه وأحط عليه كميه من الرز
وأخلطه
وأحط صفار زعفران
وأزيد بهارات وفلفل أسود
وأثنا التحويسه هذي كنت جالسه أسلق مكرونا يقال إنها إسباكيتي
بس ماطلعت سبكيتي
صح أنها طلعت طويله بس طلعت عريضه وفيها فتحه بالنص كأنها شفاط"مزاز"
فأحبطتني نوعا ما
ف قمت وأضفتها ع الرز ثم رجعت أقلبها وأحطها في قدر لأن التآوه ماكفت
وأضفت عليها الفلفل البارد المقطع
وتركتهم ياخذون نكهات بعض ثم حطيتهم ع الرز الأبيض في قدره
وكان الفحم خلاص أستوى
فأخذت قصدير
وحطيته ع الرز وحطيت فيه الجمر
وصبيت ع الجمر زيت
وسكرت القدر عشان يصير الرز "مدخن"

عآد قلت إلا لازم اللحمه تاخذ قسمها من التدخين
فقمت فرشت ع الرز قصدير
وحطيت عليه اللحم
وحطيت القصدير الأول ع اللحم
وحطيت فحمه جديده
وزيت
ودخنت اللحم
آخر شي طلعت اللحم طلع باقي عليه
وأرجع أحطه بقدر الضغط وأخليه يطبخ
ثم بعد مده سكرت عنه
وهكذا كانت طبختي الخنفشاريه اللي عانيت فيها كثير وضاعت ساعتين عليها
وهذا من أطول الأوقات اللي قضيتها فالطبخ
والنفاله 🙂

أدري أدري ذلحين بتسموني
(ملاك العالم) ^_^
<<ياشين الثقه بس 🙂

عآد باقي الزينه
ولاجيتوا بتقدمونه خلاص
شيلوا الرز والمكرونا ع جنب أول
"يجي لونها أصفر ترا"
ثم كبوا الرز الابيض في الطبق
وكبوا عليه كميه من الأصفر
ثم حطوا اللحم
وزينوه بالليمون والبقدونس ^_^
طبعا فيه صوره نهائيه
مابيكم تتحطمون 🙂

وأي حاجه تخص المطبخ تراني(ملاك العالم) <أيه هين ! خخخ

وسأوافيكم بإراء المتذوقين لآحقا 🙂
وهزه هي الصور

Advertisements

7 تعليقات

اكتب تعليقُا
  1. فيصل / أغسطس 8 2010 2:58 ص

    اوووش يالطبخ ونا قول وش هالريحه ..
    اشمها ونا في مدونتي ..^^”
    ورا ماارسلتي لنا صحن بعد ^^”
    ااش يالجحه بس عليكم تقطيع..
    مقطعينها بعجرا ..
    فيه صحن صغير وش فيه بازلا OO” صح
    >> وش دخلك ^^”

    أأشسمه ذا عندي سؤال ..

    تاكلوون فحم ؟؟ ماشاء الله ..OO”
    كيف طعمه بس موب ذااك ..
    قد ذقته اااع عليه طعم ..^^”
    اهااا عرفت تبخرون به يعني ؟؟
    مابعد العود قعود ..اهاا ..
    او يعني ع طريقة المندي ..
    يقالي مسويه رز مندي ..^^”
    واللهي لي وحشه للرز ..لي شهر واكثر ..
    ماتغديت نهائيا الغداء محذوف من اللسته ^^” ..
    والله طبخك سنع ماشاء الله عليك ..
    اقدع وحده في العالم العربي ..
    ليت قومي يعلمون ..= (
    طبخ الشغالات موب زين ..><" ..
    بس احس اللحمه موب ناجحه بعد ..^^"
    << وش دراك انت بالطبخ .,
    كل شوي اطالع صحن الزر ..
    والله شي شي ..
    حتى الليمون قصصتيه تقصيص يقالي حركات ..خخخ
    يالله بالتوفيق اختي ملاك العالم
    .. اي هين خخخ هههههههه
    عقبال رمضان يجي تلفين مليون سمبوسه ..^^"

    • mlo0ok / أغسطس 8 2010 10:34 م

      هههههه
      أبشر السمبوسه برصعها بمدونتك
      بس ياويلك ماترد الصحن خخخ
      >>لا ياشاطر مقطعين الجح بساطور..! خخخخ

      لا الصحن فيه فلفل حآر مقطع 🙂
      الفحم نستخدمه عشان تصير نفس ريحة المندي 🙂 بس ترا ماهوب مندي >_<

      لا أبشرك أخيرن نجح اللحم بعد معاناتي معه <تآخذها عبره لاتذكرت 😦 << فيس حزين

      حيآك الله خيو طله قميله كالعاده 🙂
      ثانكس ع التواجد الظريف واللطيف والخفيف

      ملاحظه// أراء الذواقه في تعليق تحت 🙂 أبقوا معنا

  2. mlo0ok / أغسطس 9 2010 12:22 ص

    آآآمممم
    هلـووو>يقـآآل أنه أنقليزي

    يلله جيت بأراء الذواقه والمتفرجين

    >>الخدمـآآت
    أصلن مال أمهن داعي نحشوا من المطبخ من شافوني أقطع البصل
    ولاشافوه الا يوم خلصت

    >>أمــي .. عطتني نظره لطيفه وألتهت بالأكل والضحك على مغامرتي بالمطبخ

    >>أخوي المطوع ..
    كـآن يقول بطنه يعوره ومدري شنو بس شاف ال هذا الصحن فأشتهى
    ومد اليمين وبـدآ بأول لقمه
    ثم أخذ جوو وهو يمضغ ويتطعم
    ثم فاجأني بحركـه محححححرجـه لدرجة أني معد عرفة أتكلم ^_^

    اللي هـي..

    أقول والا اسكت .. آممم
    لا بقوول ^_^

    خذا يدي وباسها وقال تسلم لي هاليدين والله تسلم لي هالطباخه
    أما أنا.. فأبتسمت خجلا وصمَت لبرهـه من الحيااء

    >>نرجع للخدآمـآت..
    آآآممم
    عبوا صحنهن وهـآآك ياسرط
    وحـده منهن ماتاكل لحم
    وعلمتني خدامتنا
    قلت لها أني طابخه اللحم لحال ولا لمس الرز حتى
    فتشققت من الونـآآآآسـه وجلست تاكل

    وجلسوا يمدحوني بعد

    >>خالتي
    قلت لها ها وش رايس بالغداء اليوم؟؟
    قالت: أنا قااااايله بنت أختي طباخه

    أما بنتها اللي برابع إبتدائي
    وقفت قدامي مذهولـه .. أوما أنتي مسويه الغداء اليوم..؟
    قلت أيه .. وهي شااقه الإبتساامه .. تقول الله يجنن >>وأنا مستااانسه وميته من الحياء في نفس الوقت

    >>أختي الكبيره .. تقول حلو زين

    وهذي الاراء اللي جمعتها
    وشكرن على حسن استماعكم ..

  3. رفووقهـ / أغسطس 18 2010 2:06 م

    ههههههههههههههه ياحبي لك يافروغة وه بث

    وش هالطبخة اهم شيء انك تعرفين تبدلين شيء بدل شيء ^_^

    شكلها نآآآيس >> نقول شكل وذوق

    ننتظر نيو لك

    • mllo0ok / أغسطس 21 2010 12:24 ص

      هههههههه
      وهـ بث منث أنتي ^_^

      حيـآآتس الله حبيبتي
      دآيم البدائل موجوده بس يبي لنا نفكر شووي ونفتح الدروج والثلاجه
      ههههههههههههههه وطبعا الكسل موجود 🙂

      منّـوورهـ كالعـآدهـ ياقلبي

  4. خل السهر لعيون من حبك / أغسطس 20 2010 10:37 م

    اقووووووول ملوووووووووكة ممكن صحن سفري ابي اتسحر برا
    تسلم يدينك على هالطبخة وياليت نشوف طبخاااااااات ثانيه
    ابي برست حراق ودجاج مسحب ولا تنسين تسوين كبسة حاشي على الفحم ترا يمدحوووها ههههه

    نآيــــــــف

    • mllo0ok / أغسطس 21 2010 12:26 ص

      الله يسسلمـك,,

      يـآآعـرب ترى مابعد فتحت مطعم 🙂

      بس أصبروا أفتح وطلبـآآتكم ع العين والراااس 🙂

      حيـآك الله أخوي نـآيف .. أسعدتني زيـآرتك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: